الشاعر علي سلامة

الشاعر على سلامة : برنامج العاشرة مساء : مع الأعلامية منى الشاذلي
عارفة يا امه انا حاسس ان الموت ماخدش منك غير الطرحة و الجلبية السودة
ما انا كل ما اعدي جنب الأوضة اسمع صوتك و انتي بتتحكي على الدنيا و بتدعيلي
روح هتسافر و هترجع مجبور الخاطر و هستناك
طيب اسندي على كتفي بكره تقومي و بكره تخفي
عارف مين بيقع و يقوم , أوعى تدور على الدفا في فلوس و هدوم
و متنساش تحوش شوية صحاب , تفرح قوي لما يدق الباب و تلاقي حد جاي يحضنك لوجه الله ,,, ياااااااه
طب فاكرة يا اما لما كنتي بتعملي البصارة , تعطي منها لأبله سارة يرجع الطبق رز بلبن بيروح لأم حسن يرجع صنية بسيسة
يااه معقول كل ده قلب؟ انتي عارفة يا اما النهارده بقيت بخاف من اي حاجة و اي حد
بقيت اخاف بجد
مشيت كتير يا امي بس الفرح بعيد
ياترى لسه بتدعيلي؟
يا ترى لسه بتدعيلي؟