رباعيات صلاح جاهين

ياللي انت بيتك قش مفروش بريش / تقوي عليه الريح .. يصبح ما فيش / عجبي عليك حواليك مخالب كـــــبار / و ما لكش غير منقار و قادر تعيش
sent: 48,606

الدنيا من غير الربيع مـــيته / ورقة شجر ضعفــانه و مـــفـــتــته / - لا يا جدع غلطان تأمل وشوف / زهر الشتا طالع فــــــــي عز الشـــــتا
sent: 16,858

دخل الشتا وقفل البيبان ع البـــيوت / وجعل شعاع الشمس خيط عنكبوت / وحاجات كتير بتموت في ليل الشــتا / لكن حاجات أكتر بترفض تمــوت
sent: 38,118

.. دي مزكرات و كتبتها من ســنين / في نوتة زرقا لون بحور الحنيـــن / عترت فيها .. رميتها في المهمـــلات / وقلت صحيح أما صحيح كلام مخبولين
sent: 5,347

قلبي عليل يا ناس و في الكاس دواه / مديت له إيدي شربت م اللي حــواه / جنبي الشمال خف .. اليمين اتــــوجع / و إيه يداوي الكبد م اللي كــــواه
sent: 8,513

تسلم يا غصن الخوخ يا عود الحطــب / بييجي الربيع .. تطلـــع زهورك عجب / و انا ليه بيمضـــي ربيع وييجي ربيع / و لسه برضك قلـــبي حتة خشب
sent: 9,290

يا مشرط الجراح أمانة علـــيك / و انت ف حشايا تبص من حواليــك / فيه نقطة سوده في قلبي بدأت تبان / شيلها كمان .. و الفضل يرجع إليك
sent: 15,526

أنا كنت شئ و صبحت شئ ثم شــئ / شوف ربنا .. قادرعلي كل شـــئ / هز الشجر شواشيه ووشوشني قال / : لابد ما يموت شئ عشان يحيا شئ
sent: 23,276

جالك أوان ووقفت موقف وجـــود / يا تجود بده يا قلبي يا بده تجــــود / ما حد يقدر يبقي علي كل شــئ / مع إن – عجبي – كل شئ موجود
sent: 10,105

من بين شقوق الشيش و شقشقت لك / مع شهقة العصافير و زقزقــت لك / نهار جديد انا . . قوم نشوف نعــمليه / انا قلت يا ح تقتلني .. يا ح اقـــــتلك
sent: 3,852

إخطفني ياللي تحبني ع الحصان / الدنيا قالت يوم في ماضي الزمان / إخطفني ياللي تحبني ع الــفرس / الدنيا قالت .. قام خطفها الشيطان
sent: 6,918

رقاصه خرسا و رقصه من غير نغــم / دنيا . . يا مين يصالحها قبل النـدم / ساعتين تهز بوجههـــا يعنـي / يترجرجوا نهديها يعني نعــــم
sent: 3,724

ما حد في الدنيا واخد جزاتـــه / و لا حـــد بيفكر في غير لذاذاته / ما تعرفيش يا حبيبتي .. أنا و انتي مين؟ / إنتي عروس النيل ... و أنا النيل بذاته
sent: 12,267

ياللي نصحت الناس بشـــرب النبيت / مع بنت حلوه .. وعود , وضحك , وحديت / مش كنت تنصحهم منين يكســـبوا تمن ده كله ؟ / ... و الا يمكن نســــــــيت
sent: 7,232