لاول مرة بصوت سوزان تميم ..هشام بيهددنى

لاول مرة بصوت سوزان تميم ..هشام بيهددنى

تصر سوزان تميم ألا تغادر المسرح حتى بعد رحيلها وصدور الحكم على المتهمين بقتلها بالاعدام ...
تظل سوزان تميم فى قلب الاحداث وكأن روحها تأبى المفارقة حتى تظهر الحقيقة كاملة ..
لا زال عند سوزان تميم ما تقوله حتى بعد رحيلها التراجيدى ...
فيما يلى نص تسجيل للنجمة اللبنانية الراحلة تتهم فيه هشام طلعت مصطفى بتهديدها وتؤكد أنها امرأة ب600 راجل...
الى نص التسجيل ...

"هو لو كان عنده فلوس فخليل بيقوللى إحنا عندنا كرامتنا اللى أغلى من فلوس الدنيا كلها ودى اللى باقيالنا .
وانا "مرة "بستميت راجل وهو عارف كده كويس ، بمليون راجل.....

ما خلتهوش يلمس شعرة من دماغى وشوف بقالى معاه قد ايه ، أنا بمليون راجل فما يفتكرش ان الدنيا سايبة " .

**صوت رجل على الجانب الاخر: " بصى ياست الكل تعليماتك ايه ، قوليلى انتى عايزة إيه " .
-سوزان ترد: "هو خايف عليا ، وكل يوم باسمع تهديدات وتهديدات وهسجنك وهعملك وهلبسك تهمة وهو سامع كل حاجة يابابا وكان فى العربية معايا " .
**الطرف الأخر " طلباتك " ؟.

-سوزان :" كرامتى ....والله العظيم انا طول عمرى عايشة بشرفى ، عايشة بكرامتى طول عمرى وأقسم بالله ، أقسم بالله ،أقسم بالله ، " .

**الطرف الأخر " أقسم بالله انا عارف كل ده " .

-سوزان " انا طول عمرى مدمرة حياتى كلها علشان بقول لأ للغلط وبقول لأ للناس اللى عايزة تهد كرامتى ، وأقسم بالله وربنا شاهد عليا وربنا شاهد عليا ، يمكن اعيش يمكن اموت ، يمكن انت يارب اللى شاهد على نهاية الكل " .

**الطرف الأخر "كل ده عند ربنا ربنا هو اللى شاهد " .

-سوزان تبكى وتستكمل كلامها " علشان تيجى ياهشام تعمل كده ، من إيدك إنت ياهشام ياللى شايلاك وحاطاك قدام الناس، وعملاك قدام الدنيا كلها إنك / كلمة غير مفهومة / والله العظيم لغاية دلوقتى ما فتحت التليفون ولا قولت لبابا على اللى حصل ، علشان أستر عليه".

**الطرف الأخر " لأ ما تكبريش المواضيع بقى " .

-سوزان " مش عايزة اكبرها بس الموضوع كبير ، الموضوع كبير " .

**الطرف الأخر " ربنا يسهل ويتحل الموضوع ، هكلمك كمان شوية صغيرة " .
-سوزان " بيقولى عاوز أحبسك 10 سنين، وصلت يبعتلى البوليس و ويحبسنى عشر سنين بالتهديد كده . ...؟ قلت له ، ليه ..؟ انا ظلمتك فى ايه ؟ ، أنا عملتلك ايه ...؟ ، انا جنيت فيك ايه ؟، جيتلى من اول حياتى لآخرها ، وانت على علمك ،كنت بقولله مش عاوزاك كام مرة ويرجع وانت اتوسطت لى كام مرة علشان أقبل فيه........؟ ، علشان أفتح تليفونى وأكلمه ؟ طب ليه بتعمل فيا دلوقتى كده ، مش حرام مش ظلم " .؟؟؟

-الطرف الاخر " اه طبعاً امال ، طيب سيبينى هكلمك كمان شوية " .



مكالمة جديدة مع سوزان الطرف الأخر يقول " انا بكلم علشان لازم يكون فية كلام وفية نقاش هنعمل اية هنتصرف ازاى علشان العملية ما تكبرش ، لازم نأجل الموضوع لغاية بكرة علشان انتى تفكرى فى اللى انتى عايزة واللى يناسبك لأنى مش هعرف أقولة الكلام دة ".

سوزان ترد " يادودو أنا مش عاوزة منه حاجة تانى خلاص كفايانى اللى وصلنى منه وكفيانى قوى اللى انا شوفتة " .

الطرف الأخر " طيب ما كدة هتسمعى الكلام اللى انتى مش عايزاة وهاتى الحاجة والهدايا اللى جبتها ".

سوزان " ما هو مش كل حاجة بالإجبار ، لأ بص أنا مستنية وأنا برضو هقول اللى عندى وهقول هو عمل كدة لية ،ودة اية ودة اية ، انت ما تجديش تدينى حاجة وتقول تعالى هاتيها ، مش تيجى تتحايل عليا تتحايل عليا تتحايل عليا وتيجى تقول ها هتعملى اللى انا عايزة ولا ها ..؟ ،ودة بيهددنى بالبوليس وبالسجن أروح أقعد فى عقر دارة بأى عقل دة .

وبعدين بص انا هقولك انا لية ما روحتش البيت وهقولها بأمانة ، وأقسم بالله ما بكدب، انت عارف وانا خارجة علشان اروح البيت ، عارف بيتكلم وانا فى المطار لسة خارجة بيقولى ايه ، بيقولى انتى هتروحى بيت الجيزة مش هتروحى بيتك ، طيب ما تروحيش بيتك وشوف هعمل واسوى فيكى اية . فقلتلة مادام انت بتهدد انا ماكنتش ناوية اعمل كدة،ومادام انت بتهدد وبالغصب عاوزنى اروح بيتى يبقى انا فعلاً مش هروح بيتى ياهشام ،وانا قولتهاله ، راح قالى اخوكى قالى انك رايحة الجيزة ، واخويا خليل كان واقف قدامى وهشام على التليفون ، فقلت لخيليل انت قولت لهشام ان انا رايحة او كلمت حد قولتلة انى عاوز اروح بيت الجيزة ، وقعد يزعق قدام اخويا وبيهددنى قدامة وقدام عم ابراهيم السواق وهو راجل باجلة وأحترمة ، وقلت عيب انك تكلمنى او تهددنى قدام الناس " .

مكالمة جديدة سوزان تقول "انت دلوقتى غصب عنك هتروح وهتقعد والا هوريك انا هوريك هعمل فيك اية واية ، انت هيكون رد فعلك ايه .طب ما انا من الاول مش ناوية اعمل كدة لية الافترى دة ، وتهديد يابابا تهديد لية تهددنى وانا ست ضعيفة وانا قاعدة فى غربة وانا ماليش حد غير ربنا وهو اللى ساترنى ، تقعد تهددنى عمال على بطال بأى حق واى دين ، مش حرام مش حرام ، دة يجوز من عند ربنا ، افرض انا ست عاملة اللى ما اتعملش تقعد تنكل فيا وبتهددنى فى بيتى وسكنى ، دا انا سترى بيتى ، بتهددى فى عيشتى ولا فى سكنى . انت عايز اية انا ما بقتش عارفة هو عايز ايه ،وبيركن ويقف وليد قالى هو عايز اية قولتلة يمكن عاوز يطمن علينا ، وليد قالى لأ ، قرب من وليد ولقيناة بيركن وراء عربية ولقينا التانى الوسخ دة نزل وبيلف وراء العربية " .