يستحقون الكثير من التصفيق على التجربة الناجحة الثانية لهذا العمل الجماعى الذى أعجب النقاد والجماهير ، فيلم الفرح عمل مفرح بجد ، أجمل مافيه هذه الروح الجماعية التى تبدأ من سطور الورق مروراً بالأداء وحتى الأفيش الجميل المعبر...
يليق بالسبكية أن يتباهوا بافلامهم الجديدة ، ويليق بالنجوم ماجد وباسم وجومانة وخالد الصاوى والآخرون أن يفرحوا بالفرح ..
أحمد السبكى: الفرح مش جزء تانى من كباريه, ده فيلم وده فيلم والأبطال كلهم اللى كانوا فى كباريه ماتوا فى آخر الفيلم, وجومانة مراد ممثلة مجتهدة جداً فى عملها وبتذاكر دورها كويس جداً وأنصح أى شخص لديه سيناريو جيد ان يرشحها للبطولة .
كريم السبكى: كل شركة لها دماغ ولها عقلية مع الأفلام التى تنتجها, وحبينا نعمل فيلم مش كوميدى, وفيه أفلام اتعملت زى عيون الصقر والرجل الثالث وإمرأة هزت عرش مصر والرغبة وكلها مش كوميدى ونجحت .
وقبل كباريه حبينا نعمل تجربة جديدة مش كوميدى وعملنا التجربة ونجحت وعجبت الجمهور والنقاد واحنا دلوقتى بنعمل الفرح وهيعجب الناس إن شاء الله .
ماجد الكدوانى: الفرح فيلم كبير فيلم مصرى مبذول فيه جهد كبير وكل فريق الفيلم بذل فيه أكبر ما فى وسعه ويضم مجموعة كبيرة جداً من الممثلين, وأتمنى أن يستمتع به.
وفيلم العسلى مختلف جداً وهو نفس حالة اختلاف كباريه ولكنه ليس كباريه وانا حابب فكرة الإختلاف فلو الممثل ما أختلفش يبقى لم يمثل .
المؤلف أحمد عبد الله: جزء ثانى من فيلم كباريه من اختراع الناس لأن الناس تشابه فى دماغهم عندما وجدوا صناع كباريه هى صناع الفرح فقالوا أنه جزء ثانى ولكنه يوم ثانى فى حياة المصريين وهو فرح شعبى فى حارة .
والفرح فيه تفاصيل كتير وهو سر التشابة مع فيلم كبارية .
حتى الفيلم الثالث الذى نعد له ليس الجزء الثالث وفيلم " الليلة الكبيرة " ويتحدث عن الموالد فى مصر .
باسم سمرة: الفيلم يضم عدد كبير من نجوم الصف الاول والنجوم الشطار وفيه منافسة جامدة جداً فى إطار التمثيل وإبداع الإخراج ورؤية جديدة راقية لتناول طبيعة وأنماط الأحياء الشعبية.
وأنا بلعب شخصية حسن أحد المعزومين فى الفرح من قبل المعلم زينهم والذى يجسده الفنان خالد الصاوى .
جومانة مراد: انا قلقانة جداً بسبب فيلم الفرح اللى أنا وفريق العمل تعبنا فيه جداً احنا بذلنا مجهود جامد جداً لنكون عند حسن ظن الجمهور, ونجاح كباريه زود المسئولية علينا لأن المحافظة على النجاح صعب جداً .
وأنا بلعب دور جميلة العروسة والعريس ياسر جلال واحنا طول الفيلم نعانى بسبب العادات والتقاليد بسبب الفقر ومشاكل المناطق الشعبية .
وأنا مشاهدى قليلة فى الفيلم ولكنها مهمة, وأصعب المشاهد التى تعرضت لها مشهد العيادة ومشهد النهاية .
خالد الصاوى: كل اللى نفسى فيه تقديم فيلم كويس يكون ولا يضيع وقتهم أثناء مشاهدته, وأنا عايز أتنوع وأتغير علشان أوصل مجموعة كبيرة من الشخصيات ولكن الأهم "ماذا أقدم من وراء تلك التغيرات؟ .
وأنا بلعب دور الأسطى زينهم لديه أسرة مسئول عنها ، وهو بيعمل بالاجرة ويسعى لإمتلاك ميكروباص, ومفاجأة الفيلم الكتابة والإخراج لأن فكرته قائمة لى التفاهم بين الكتابة والإخراج.
رامز أمين: أنا بلعب دور إبن الفنان صلاح عبد الله فى الفيلم والابن نفسه يفرح بوالده الذى يعمل مونولجست وراح الفرح علشان يشوف والده, وشافه وهو يتعرض للإهانة خلال الفرح, وأنا سعيد بالعمل مع هذا العدد من الفنانين .
المخرج سامح عبد العزيز: فيلم كباريه كل أبطاله ماتوا مينفعش أعمل أحداث ثانية والتحدى أن الفرح مختلف عن كباريه وأداؤه مختلف وأنا مخرج مصرى وأسعى أنا وزملائى المخرجين لتقديم الجديد الذى يخدم السينما المصرية .
عبد الباسط حمودة: أغنية "انا مش عارفنى" هى الرئيسية فى الفيلم لأنه عبارة عن أفراح وأحزان وهى موزعة على الفيلم كله من البداية وحتى النهاية لأنه كل حزن .
وأنا سعيد بالإشتراك فى فيلم بهذا الحجم من حيث عدد النجوم او تكلفته العالية التى أنفقت على إنتاجه .
0 التعليقات:
إرسال تعليق